Радуйся,ужасная всем державам пресвятая главо Господа нашего Иисуса Христа, нас ради тернием увенчанна, и тростию избита.
Радуйся,прекраснейшее лице Господа нашего Иисуса Христа,нас ради оплевано, и биено.
Радуйтеся,премилостивейшии очи Спасителя нашего Иисуса Христа, нас ради слезами облиянныя.
Радуйтеся, уста и гортань Господа нашего Иисуса Христа, нас ради желчью и оцтом напоенныя.
Радуйтеся,пречестнейшия ушеса Господа нашего Иисуса Христа,нас ради хуленьми и поношеньми исполненныя.
Радуйтеся, смирением украшенная вые Иисуса Христа, Спасителя нашего,нас ради заушенна,и хребте,нас ради избит и уязвлен.
Радуйтеся,пречистыя перси Иисуса Христа,Спасителя нашего,нас ради при страстех скорби исполненныя.
Радуйся,боче пречистый Господа нашего Иисуса Христа,нас ради копием воинским пространно отверстый.
Радуйтеся,многотрудныя,пречистыя нозе Спасителя нашего,нас ради ко кресту пригвожденныя.
Радуйся,все тело Господа нашего Иисуса Христа,Спасителя нашего,насради на кресте обешенное,и уязвленное,и посем погребенное.
Радуйся,предрагая крове,яже от тела Господа Иисуса,Спасителя нашего есть излияна.
Радуйся,пресвятая душе Господа нашего Иисуса Христа,нас ради на кресте в руце Богу и Отцу преданная.
Радуйся,всех радосте.Аминь.

И поклоны.

Из творений
преподобного отца нашего
ЕФРЕМА СИРИНА