Богослужебные тексты, службы (видео и текст)
» служба св прп Елисею Лавришевскому
к Дискуссиям
|
По благословению
Высокопреосвященнейшего Гурия, Архиепископа Новогрудского и Лидского, настоятеля Свято-Елисеевского Лавришевского мужского монастыря СЛУЖБА ПРЕПОДОБНОМУ ЕЛИСЕЮ ЛАВРИШЕВСКОМУ На велицей вечерни. На «Господи, воззвах» стихиры святаго, гл. 1: Приидите, христолюбивии людие, / память празднующе преподобнаго Елисея, / восхвалим его в пении и песнех духовных, / в нем бо Церковь земная божественно с Небесною ликовствует, / пастырь добрый словеснаго стада Христова во Иерусалим Горний приемлется, / у Престола Божия славою и честию венчается/ и радость спасения нам предвозвещает, // егда любовию его ко Господу воспламенимся. Приидите, людие Божии, благочестия ревнители, иноческаго подвига щедролюбцы, Трапезы Божест- венныя сопричастницы будем. Восхвалим издревле прославленнаго Господом, предивна подвижника Ели- сея. Той же, яко фимиам благовонный, молитвы своя у Престола Божия принесе за род человеческий. Приидите, честнии архипастыри, богобоязненнии священницы, уневестившиися Христу, да Елисея бла- женнаго, подвигом равноангельским украшена, узрим и, радующеся, возопиим: Радуйся, избранный прежде рождения своего во чреве матери; радуйся, вскормлен- ный млеком Божественныя благодати. Радуйся, цвете благовонный в пустыне процветший; радуйся, цветник духовный подле себя возрастивший. О, преблаженне отче наш Елисее, Духа Святаго в сердце своем стяжавый и предивно носивый, Имже увенчанный любовию и мудростию, тебе припадающе, вопием: Христа от юности своея возлюбивый, Христа ради славу и честь оставивый, Христа ради молитвою слезною за мир сораспинался еси, Христа ради муче- нически пострадавый от своего ученика; не престани и ныне умоляти любовь, мир и велию милость Церкви Христовой даровати. Слава, глас тойже: Веселися и радуйся, обитель Лаврашевская, покро- вом молитвы преподобнаго Елисея покрываемая; Цер- ковь Белорусская, взыграй, ликовствующи. Ныне благо- честивии людие от востока солнца до запада стекаются, Елисея всечестнаго доброты порфирою украшаются. С нимиже и мы, память его празднующе, вопием: Радуйся, края Новогрудскаго красото и радость; радуйся, земли Белорусския молитвенниче и печальниче. Моли о нас Господа, братолюбием оскудевающих. И ныне, гласа. Вход. Прокимен дне. Чтения паремии три, преподобническия. Стихиры на литии, гл. 4: Земле Белорусская, / красуйся и ликуй, / днесь чадо твое прославляется: / иноков светильник, ангелов собеседник / и демонов посрамитель. / Воздай ему должное, // сыну своему возлюбленному. Возвеселитеся и ликуйте, вси вернии, ныне же от- верзаются врата Церкве Небесныя, да внидет в Ню богоизбранный Елисей – добродетелей красота, пра- вило веры и благочестия образ. Слава: глас 5: Днесь возсия честная память преподобнаго Елисея, сердца православных невидимо просвещающа, благо- датию Духа Святаго души веселяща, верою совершаю- щим всечестную память его. И ныне: глас тойже. Юже Силы Небесныя, / яко Богоневестную Матерь хва- лят, / и святии вси, поклоняющееся, воспевают на небеси, / воспоем, вернии, / яко Богоизбранней Отроковице на земли. // Сия бо спасения нашего надежда и упование. На вечерни. На стиховне стихира, гл. 2. Да воскреснет Бог и расточатся врази Его, / – тако взывал еси, преподобне Елисее, в тяжких испытаниях; / и легионы демонов претворяя в бегство, / и ныне молитвами твоими // отжени от Церкви Христовыя бесовския супостаты. Тако да погибнут грешницы от лица Божия, а праведницы да возвеселятся и возрадуются на ложах своих, яже уготова Господь любящим Его. Боголюбиве отче Елисее, умоли Христа Бога уготовати нам место в Райских селениих. Сей день, егоже сотвори Господь, возрадуемся и воз- веселимся, и прославим богоноснаго отца нашего Елисея, яко той, сеявый духовное в нетление и пожал есть живот вечный, победил есть начало греховное и сподобился есть радости в Дусе Святе; Егоже моли, преподобне, в книзе животней написатися почитающим тя. Слава, глас тойже: Праздника день, и просветимся торжеством, свет- лую память Елисея праведнаго совершая, и друг друга возлюбим, во единомыслии возопиим и прославим Троицу Единосущную и Нераздельную. И ныне, Богородичен, гл. 2. Владычице Небесе и земли, / имущая дерзновение мо- литися о всем мире/ и о всех притекающих под Кров Твой, / моли со боголюбивым Елисеем Воплощшагося от Тебе Бога нашего, / да приимет в славу Имене Своего скудную песнь нашу / и ниспослет нам благодать достойно пети и молитися Богу, // Предивному во Святых Своих. Тропарь, глас 3: Преподобне отче наш Елисее, / с Лаврентием чудным подвизался еси, / учителю своему подражая, / земную славу и честь стопам Христа повергли есте, / темже Гос- подь увенча вас, // нетленным венцем славы Своея. На утрени. По 1-м стихословии седален, гл. 5: Лицы иночестии, стецытеся усердне, да любо- вию почтим издревле прославленнаго Елисея пре- подобнаго, благословяще Бога Дивнаго во святых Своих. Слава, и ныне, Богородичен: Украсилася еси, яко невеста, девственными доб- ротами, покрый, сохрани и спаси чада Церкве Право- славныя, молитвами богоноснаго отца нашего Елисея, егоже память ныне светло совершаем. По 2-м стихословии седален, гл. тойже: Погребл еси страстей востание умерщвлением плоти, преподобне отче: радость жизни бесконечныя по смерти приял еси, тем же днесь Христова Церковь празднует твою досточудную память. Слава, и ныне, Богородичен: Рождеством Твоим печаль всяка на земли пот- ребися, клятва Евина исчезе, и слеза всяка от лица земнородных отъяся, Чистая Богородице: о Тебе, Не- искусобрачная, и мы радости исполняемся. По полиелеи седален, глас 1: От юности в пустыни Лаврашевстей житием непо- рочным процвел еси, / предивне отче Елисее, / постом и молитвою плотския похоти умерщвляя, / Ангельски на земле пожив, / со Ангелы ныне водворяешися,/ тем тя почитаем, отче всехвальне, // молитвенниче и заступниче земли нашея. Слава, и ныне,глас тойже Лики святых Ангел воспевают Тя, Богородительни- це, / Святых множество недоумевают, / како восхвали- ти Тя по достоянию, / мы же смиренно припадающе, // убогое хваление приносим, Преблагословенная. Степенны, 1-й антифон 4-го гласа. Прокимен, гл. 4: Честна пред Господем смерть преподобных Его. Стих: Что воздам Господеви о всех, яже воздаде ми. Евангелие от Матфея, зач. 43. По 50-м псалме стихира, глас 6: Преподобне отче Елисее, / Лаврашевския обители благоразумный основателю, / той же усердный молит- венниче, / вражеския полки прогнал еси / и Ангельских достигл еси ликов,/ ихже житию без порока порев- новал еси, / дерзновение имея ко Христу Богу, // мир испроси душам нашим и велию милость. На хвалитех стихиры, глас 2: Пророка Елисея истинный подражатель явился еси, / ревностию того добре поревновав, / чудныя и славныя подвиги совершая, / благодать Божию стяжав молитися за ны недостойныя, // преподобне отче наш. Чудному Лаврентию пустыннолюбцу тезоименит, к пустынножительству зову сего последовал еси, отче наш Елисее, чистоту сердца и телесе соблюл еси даже до смерти. Видяще тя, благочестия ревнителя и Церкве Святыя верна служителя, слезно молим тя: не премолчи за ны ко Господу, да от всякия скверны греховныя нас соблюдет. Образ смирения Христова и любве Его житием твоим показал еси, преподобне, простивый и исцеливый несчастнаго убийцу своего, злоухищрением диавола наученнаго. Сего ради удивляемся обилию любве твоея и вопием: крове твоея теченьми очисти прегрешения наша и исцели души наша, да не лишени будем любве Христовыя, егда явимся в день Судный. Яко звезду многосветлую на тверди Небесней тя вемы, якоже град благолепный на верху горы, не мо- гущий сокрытися под спудом; яко молитвенника и печальника земли нашея прославляем, совершающе твою память, преподобный Елисее. Слава: глас 5: Днесь зарями звезды тоя просвещаются вернии: / архипастыри и пастыри, / иноцы и люди благочести- вии, /- вопиют ти, угодниче Христов/ и заступниче теплейший Елисее: // не престай молитися о нас ко Господу. Конец и Богу слава. Ответ на тему: |
|
|
|
|
|
|
