Богослужебные тексты, службы (видео и текст)
» Канон св прп Елисею Лавришевскому
к Дискуссиям
|
КАНОН СВЯТОМУ ПРЕПОДОБНОМУ ЕЛИСЕЮ ЛАВРИШЕВСКОМУ, ГЛАС 8
Песнь 1 Ирмос: Воду прошед яко сушу, / и египетскаго зла избежав,/ израильтянин вопияше: // Избавителю Богу нашему поим. Припев: Преподобне отче наш Елисее, моли Бога о нас. Ума чистоту обрел еси многотрудными подвигами, мысленнаго фараона побеждая и рабства греховнаго свободился еси, преподобне, молитвами твоими спа- сай ны, тя величающия. Грех посецый молитвою и постом, душу украсил еси многими добродетельми равноангельными, тем под- ражающе славословим Господа, с сими и нас сподоби пребывати, молитвами твоими. Господи, слава Тебе, давшему нам дивнаго молитвен- ника и печальника земли нашея, и сподоби, Владыко, миру в мире пребывати, воздыханьми угодника Твоего. Богородичен: Главизно нашего спасения, Пресвятая Богородице, положи начало нашего исправления, молитвами Ели- сея, избранника Твоего. Песнь 3 Ирмос: Ты еси утверждение / притекающих к Тебе, Господи, / Ты еси Свет омраченных, // и поет Тя дух мой. Уста наша смиренно восхвалят тя, отче Елисее, нищету духовную и телесную восприявшаго, да ис- просиши и нам стяжание смиренномудрия, во еже угодное Богу творити. Ища пустынножительства, Елисее преподобне, обрел еси пустыню Лаврашевскую и богатство мира духовнаго тамо стяжал еси. Сим же обогати ны, память твою празднующия, да в добродетелех Христовых утвердимся. Воды живыя неистощаемый источник притекаю- щим к тебе, боголюбиве Елисее, призри на уповающия и мольбами твоими обогати духовныя чада своя, в любви ко Господу жаждущия. Яко пчела люботрудная, от стражи утренния до нощи, в посте и молитве, подвизался еси, Елисее боголюбиве, да сокровищем некрадомым – Светом Евангельския истины просветиши чтущия святую память твою. Богородичен: Столпе облачный и огненный, Богородице, во дни и нощи явилася еси, на пути спасения блуждающия во мнозех пустынех непроходимых привела еси к Небесному Иерусалиму, с ними же и Елисея дивнаго сопречислила еси. Седален, глас 8: Храме Одушевленный Богородице, / призри на молитву смиренных раб Твоих, / огради обитель сию, Владычице, / имущу вкупе стража и помощника Елисея преподобнаго, // да не подвижится святыня Твоя во веки. Слава, и ныне: Богородичен, глас тойже: Святая Святых Богородице Дево, вместившая Не- беснаго Царя Христа, Освятившаго Девичу Утробу Твою, молитвами Твоими освяти души наша, с любо- вию Тя почитающия. Песнь 4 Ирмос: Услышах, Господи, / смотрения Твоего таинство, / разумех дела Твоя // и прославих Твое Божество. Слышание доброе всех притекающих к тебе, Елисее достоблаженне, молим тя недостойнии, да молитвами твоими огради от всех ловящих ны. Яко купина неопалимая, во огни Божественныя благодати пребывал еси и не сгорал еси, боголюбиве отче, не премолчи и о нас мольбу принести ко Господу, да во страстех своих не погибнем. Обитель Святаго Духа явился еси, смирением же и любовию украсив себе, яко достойное жилище, Богу в дар приносимое, помози и нам очистити себе от всякаго греха. Корабль спасения, надежду на Господа возлагая, Лаврашевскую обитель создал еси, в попечении бра- тию не оставляя, преподобне Елисее, не остави нас в мори житейстем погибающия. Богородичен: Двере Царствия Небеснаго, Тобою бо вниде бла- женный Елисей, сподоби и нас того молитвами внити во внутренняя райскаго селения. Песнь 5 Ирмос: Утреннююще, вопием Ти, / Господи: спаси ны, / Ты бо еси Бог наш, // разве Тебе иного не вемы. Чуднаго Лаврентия, сподвижника безмолвнаго жития имел еси, отче Елисее, якоже ветвь от лозы, спасительныя благодати силу восприял еси, спасен бысть, любовию его питаемь. Наставника и отца духовнаго обрел еси всечестнаго старца Лаврентия, и тако его последуя повелением, безбедно путь иноческаго жития прошел еси, с нимже моли Христа Бога спастися душам нашим. Ревности пророка Елисея поревновал еси, пре- подобне, посецый мечем молитвы и поста идолы духовныя души своея, служа токмо Единому всех Богу, тако помози чадом твоим, страстей греховных избавитися. Свет возсиявый на свещницы Церкве Христовыя, украшая лики преподобническия, избранниче Божий Елисее – похвало и радость наша, не забуди убогих твоих, да причастницы Славы Божия явимся. Богородичен: Вся роды земли ублажают Тя, Заступнице Усердная, николиже бо оставила еси нас в скорбех, обретших ны зело, избави ны от всякия напасти, Пресвятая Дево, да Тя непрестанно величаем. Песнь 6 Ирмос: Очисти мя, Спасе, / многа бо беззакония моя, / и из глубины зол возведи, молюся, / к Тебе бо возопих, и услыши мя, // Боже спасения моего. Ты, Господи, ниспослал еси на мя многия милости и щедроты Твоя, аз же окаянный, вся расточил есмь, аки блудный сын; в покаянии приими мя Спасе, умильны- ми мольбами всечестнаго Елисея, и спаси мя. Души моея томление и страстей телесных пленение, твоими молитвами, всеблаженне, умири и свободи, якоже простил еси и исцелил еси бесноватаго, лишив- шаго тя, по научению диаволю, временныя жизни. Недостойными усты приносимое тебе убогое хваление наше, преподобне, не презри, но приими, и воспевающия память твою молитвою посети, бед и напастей и вечнаго мучения избави, да не постыдимся, на тя уповающе. Святыя обители добрый пастырь явился еси, Елисее достохвальне, якоже Господь овча заблудшее взыска- вый, тако молитвою со слезами многими к покаянию привел еси, и радость велию на небесех сотворил еси. Богородичен: Едина болящих исцеление, Едина падших восстание, Едина грешников исправление, Владычице, из глубины зол возведи, молюся, и от тли смерти спаси мя. Кондак, глас 2: Обители Лаврашевстей помощниче предивный, / и всея земли Белорусския печальниче, / о подвизе твоем Церковь Христова радуется / и веселящеся, сыновнею любовию к Богу устремляется. / Егоже моли о нас, преподобне Елисее, // во еже спастися душам нашим. Икос: Имея богатство благодати, во еже духом на Небеса возведену быти, воистину, дерзновения в молитве к Богу сподобился еси, отче преблаженне Елисее. Егда бо, нашествию иноплеменных подвер- глися есмы, тогда умолил еси Бога, воинство духов- ное на помощь послати и в бегство полки вражии обратити. Егоже моли о нас, преподобне Елисее, во еже спастися душам нашим. Песнь 7 Ирмос: От иудеи дошедше, отроцы / в Вавилоне иногда / верою троическою пламень пещный попраша, поюще: // отцев Боже, благословен еси. Егда Христовою любовию призван бысть, сей невоз- вратным помыслом последовал еси, преподобне, яко Авраам в жертву сына своего принесе, тако бо сердце Богу отдал еси. Отче, Божественную Любовь умоли, да очистит души наша от всякия скверны. Верою твердою вся искушения попрал еси, боголю- биве Елисее, яко отроцы древле в пещи Вавилонстей спасени быша силою Божиею, еюже, молитв ради твоих, да сохранит ны неврежденныя от соблазнов. Радость велию носил еси в себе, преподобне, аки многоценный алавастр мира, дарова бо Господь ра- дость любящим Его, Того умоли радость вечнаго жи- вота даровати нам. Яко пустыннолюбная свирель, во дни и нощи непрестанно воспевал еси Господа, всечестный отче Елисее, пояй хвалебную песнь: благословен Бог отец наших. Богородичен: Преблагословенная Богородице Дево, рождшая Царя Христа Бога нашего, Того моли с преподобным Елисеем спастися нам, празднующим светло память его. Песнь 8 Ирмос: Царя Небеснаго, / Егоже поют вои ангельстии, // хвалите и превозносите во вся веки. Воздеяние рук наших приими, богоблаженне, Вла- дычней благости подобяся, прегрешения наша прези- рая, ты бо душу свою уязвил еси Христовою любовию, Егоже умоли спасти души наша. Воистину носитель даров Святаго Духа бысть и различными добродетельми украшен, Елисее, Горнюю высоту наследив нищетою духовною, небесное богатс- тво изрядно приял еси. Наследники сего быти сподоби нас молитвами твоими. Приидите, вси вернии, сошедшеся днесь во святый храм преподобнаго Елисея, память праведнаго с пох- валами почтим, взывающе: возносите Господа Бога нашего, и покланяйтеся во обители Лаврашевстей его, дивно во святых Своих почивающему. Возвеселися, обитель Лаврашевская, с вои ангель- скими, и во псалмех и пениих, и песнех духовных воскликнем Богу: да угодну быти пред лицем Твоим верному слузе Твоему, егоже молитвами благодать Святаго Духа нам даровася. Богородичен: Пречистая Владычице, Небесных сил превышшая, рождшая Спаса, всех Содетеля, возсоздай падшее мое естество, молитвами Елисея, угодника Твоего. Песнь 9 Ирмос: Воистину Богородицу / Тя исповедуем, / спасении Тобою, Дево Чистая, // со бесплотными лики Тя величающе. Вемы, яко по отшествии твоем телеснем, духом с нами пребываеши и от иконы твоея обильно благодать источаеши, исцеляя вся недуги душевныя и телесныя. Благодать сию испроси и нам, да молитвами твоими душею и телом исцелимся. Святым сопричастнаго, к Горнему Сиону призва тя Господь, преподобне, идеже вознеси молитвы твоя о нас ко Господу, да причастницы жизни вечныя будем. Земле Белорусская, красуйся и ликуй, о дивнем во святых Елисеи, сосуде избраннем, Христу и Пречис- тей Деве за ны молящемся, да мир Божий в человецех водворится. Богородичен: Пречистая Дево, Тя любовию славим, хвалим, поем и величаем яко всех Царицу и Владычицу нашу; буди нам покров, и предстательство, и заступление в Бозе, Ему же слава во вся веки. Светилен: Светом духовнаго Фавора в Горнем Иерусалиме укра- сился еси, преподобне отче наш Елисее, и предстоиши вечно Престолу Славы Триединаго Божества, радуяся о Дусе Святем. Благодати сея испроси и нам, да молит- вами твоими преображения духовнаго сподобимся. Слава, и ныне: Богородичен: Радуйся, Адамова от смерти избавление, радуйся, Храме Одушевленный; радуйся верным похвало, пре- подобным утверждение, радуйся православным славо, Благословенная в женах Богородице. |
|
|
|
|
|
|
