Тропарь:

Благослове́н еси́, Христе́ Бо́же наш, И́же прему́дры ловцы́ явле́й, низпосла́в им Ду́ха Свята́го,

и те́ми уловле́й вселе́нную, Человеколю́бче, сла́ва Тебе́.

Кондак:

Егда́ снизше́л язы́ки слия́, разделя́ше язы́ки Вы́шний, егда́ же о́гненныя язы́ки раздая́ше, в соедине́ние вся́ призва́,

и согла́сно сла́вим Всесвята́го Ду́ха.

Величание:

Велича́ем Тя, Живода́вче Христе́, и чтим Всесвята́го Ду́ха Твоего́, Его́же от Отца́ посла́л еси́

Боже́ственным ученико́м Твои́м.