В ДУШЕВНЫХ НЕДУГАХ, СКОРБЯХ И ИСКУШЕНИИ ИЛИ В ПОГИБЕЛИ ДУШИ 
  

ПРИ ОТЧАЯНИИ

     Молитвенником при отчаянии может быть святой Иоанн Златоустый, архиепископ Константинопольский (13/26 ноября), отошедший ко Господу в 407 году. 
     Это было в самый день Воздвижения Честного Креста Господня. 
     Во время посвящения Иоанна в священники, когда патриарх возложил свою руку на его главу, внезапно появился белый сияющий голубь, который летал над головою святого Иоанна. В сане священника Иоанн еще с большей ревностью заботился о спасении душ человеческих. Иоанн Златоустый - великий учитель всего мира - без всякого колебания обличал несправедливости, защищал обиженных. Он произнес множество проповедей с амвона, поучая народ, искореняя в людях худые обычаи, истребляя нечистоту, зависть, неправду и всякое небогоугодное дело. Служению слову Божию была посвящена его жизнь. 
     Мы обращаемся к его посредничеству пред Господом в тех случаях, когда дошли до отчаяния.

Молитва 
святителю Иоанну Златоусту 

Тропарь, глас 8-й

     Уст твоих якоже светлость огня возсиявши благодать, вселенную просвети: не сребролюбия мирови сокровища сниска, высоту нам смиренномудрия показа. Но твоими словесы наказуя, отче Иоанне Златоусте, моли Слова Христа Бога, спастися душам нашим.

Кондак, глас 6-й

     От Небес приял еси Божественную благодать и твоими устнами вся учиши покланятися в Троице Единому Богу, Иоанне Златоусте, всеблаженне преподобие, достойно хвалим тя: еси бо наставник, яко Божественная являя.

Молитва

     О, святителю великий Иоанне Златоусте! Ты многая и различная дарования от Господа приял еси, и яко раб благий и верный, вся данныя тебе таланты добре умножил еси: сего ради воистинну вселенский учитель был еси яко всяк возраст и всяко звание от тебе получается. Се бо отроком послушания образ явился еси, юным - целомудрия светило, мужем - трудолюбия наставник, старым - незлобия учитель, иноком - воздержания правило, молящимся - вождь от Бога вдохновенный, мудрости ищущим - ума просветитель, витиям доброглаголивым - слова живаго источник неисчерпаемый, благотворящим - милосердия звезда, начальствующим - правления мудраго образ, правды ревнителем - дерзновения вдохновитель, правды ради гонимым - терпения наставник: всем вся был еси, да всяко некия спасеши. Над всеми же сими стяжал еси любовь, яже есть соуз совершенства, и тою, яко силою Божественною, вся дарования в души твоей во едино совокупил еси, и туюжде любовь разделенная примиряющую, в толковании словес апостольских всем верным проповедал еси. Мы же грещнии, по единому кийждо свое дарование имуще, единения духа в союз мира не имамы, но бываем тщеславии, друг друга раздражающе, друг другу завидяще: сего ради дарования наша разделенная не в мир и спасение, но во вражду и осуждение нам преложишася. Темже к тебе, святителю Божий, припадаем, раздором обуреваеми, и в сокрушении сердца просим: молитвами твоими отжени от сердец наших всяку гордость и зависть, нас разделяющия, да во мнозех удех едино тело церковное невозбранно пребудем, да по словеси твоем'у молитвенному возлюбим друг друга и единомыслием исповемы Отца и Сына и Святаго Духа, Троицу Единосущную и Нераздельную, ныне и присно и во веки веков. Аминь. 

     В тех случаях, когда печалится и скорбит душа, в унынии молитвенниками могут быть святитель Тихон, епископ Воронежский Задонский, чудотворец, а также и мученик Трифон. 
Святитель Тихон Задонский, чудотворец (13/26 августа), отошедший ко Господу в 1783 году, сам долгое время упорно боролся с этим душевным недугом.

Молитва 
святителю Тихону Задонскому

     О, всехвальный святителю и угодниче Христов, отче наш Тихоне! Ангельски пожив на земли, ты яко Ангел благий явился еси и в дивнем твоем прославлении. Веруем от всея души и помышления, яко ты, благосердый наш помощниче и молитвенниче, твоими неложными ходатайствы и благодатию, обильно дарованною тебе от Господа, присно способствуеши нашему спасению. Приими убо, ублажаемый угодниче Христов, и в час сей наша недостойная моления: свободи ны твоим заступлением от облегающаго нас суесловия и суемудрия, неправоверия и зловерия человеческаго. Потщися, скорый о нас предстателю, богоприятным твоим ходатайством умолити Господа, да пробавит Своя великия и богатыя милости на нас, грешных и недостойных рабех Своих, да уврачует Своею благодатию неисцельныя язвы и струпы растленных душ и телес наших, да растворит окаменелая сердца наша слезами умиления и сокрушения о премногих согрешениих наших, и да избавит ны вечных мук и огня геенскаго: всем же верным людем Своим да дарует в нынешнем веце мир и тишину, здравие и спасение и во всем благое поспешение, да тако, тихое и безмолвное житие поживши во всяком благочестии и чистоте, сподобимся со Ангелы и со всеми святими славити и воспевати всесвятое имя Отца и Сына и Святаго Духа. Аминь. 

     Мученику Трифону (1/14 февраля), принявшему мученическую кончину около 250 года 

     В скорби и душевном недуге молитвенно взывают прежде всего ко Господу Богу, а также к Пресвятой Богородице.

Молитва 
ко Господу Богу

     Не попусти на меня, Владыко, Господи, искушение или скорби или болезнь свыше силы моей, но избавь от них или даруй мне крепость перенести их с благодарностью. 

     Ежедневно следует читать по одной главе Евангелия, а перед чтением Евангелия следующую молитву о скорбящем.

Молитва 
о скорбящем

     Спаси, Господи, и помилуй раба Твоего (имярек) словесами Божественного Евангелия Твоего, читаемыми о спасении раба Твоего (имярек). Попали, Господи, терние всех согрешений его, и да вселится в него благодать Твоя, опаляющая, очищающая, освящающая всякого человека во Имя Отца и Сына и Святаго Духа. Аминь.

Молитва 
ко Господу Иисусу Христу
от лица скорбящего (святителя Димитрия Солунского)

     Спаси мя, Спасе мой, по Твоей благости, а не по моим делом! Ты хощеши мя спасти, Ты веси, коим образом мя спасти: спаси убо мне, яко хощеши, яко можеши, яко веси: имиже веси судьбами спаси мя! Аз на Тя, Господа моего, надеюся, и Твоей воле Святой себе вручаю: твори со мною еже хощеши! Аще хощеши мя имети во тьме: буди паки благословен. Аще хощеши мя имети во свете: буди благословен. Аще отверзеши ми двери милосердия Твоего: добро убо и благо. Аще затвориши ми двери милосердия Твоего: благословен еси, затворимый ми в правду. Аще не погубиши мя со беззаконьми моими, слава безмерному милосердию Твоему. Аще погубиши мя со беззаконьми моими, слава праведному суду Твоему: якоже хощеши, устрой о мне вещь!

Молитва

     Помилуй мя, Господи, и не даждь мне погибнуть! Помилуй мя, Господи, яко немощен семь! Посрами, Господи, борющагося мя беса. Упование мое, осени над главою моею в день брани бесовския! Борющагося мя врага побори. Господи. И обуревающия мя помыслы укроти тишиною Твоею, Слове Божий!

Молитва 
праведного Иоанна Кронштадтского

     Господи, Ты Судия земли. Ты не любишь неправду, услыши молитву мою недостойную и пошли силу Твою, и пошли помощь Твою там, где встретят меня враги видимые и невидимые, и чтобы стали столпы на месте том, где их встретит сила Твоя. Аминь.

Молитва 
Пресвятой Владычице нашей Богородице и Приснодеве Марии, 
читаемая в скорби, искушении для избавления от злых помыслов

     О чем молить Тебя, чего просить у Тебя? Ты ведь все видишь, знаешь Сама, посмотри мне в душу и дай ей то, что ей нужно. Ты, все претерпевшая, все премогшая, - все поймешь. Ты, повившая Младенца в яслях и принявшая Его Своими руками со Креста, Ты одна знаешь всю высоту радости, весь гнет горя. Ты, получившая в усыновление весь род человеческий, взгляни и на меня с материнской заботой. Из тенет греха приведи меня к Своему Сыну. Я вижу слезу, оросившую Твой лик. Это надо мной Ты пролила ее, и пусть смоет она следы моих прегрешений. Вот я пришел, я стою, я жду Твоего отклика, о, Богоматерь, о, Всепетая, о. Владычице! Ничего не прошу, только стою пред Тобой. Только сердце мое, бедное человеческое сердце, изнемогшее в тоске по правде, бросаю к Пречистым ногам Твоим, Владычица! Дай всем, кто зовет Тебя, достигнуть Тобою вечного дня и лицем к лицу поклониться Тебе.

В ГНЕВЕ

     В страсти гнева молитвенником может быть преподобный Ефрем Сирин, живший ок. 375 года (28 января/10 февраля). 
     Среди святых отцов по преимуществу молитвенник, учитель покаяния, Ефрем Сирин по своему смирению принял лишь сан диакона. Отказавшись от епископской кафедры, он представлялся юродивым. Им написано множество молитв и песнопений. Особенно известна его молитва «Господи и Владыко живота моего...», читаемая во время Великого поста. Известны также ряд толкований на Священное Писание. Преподобный от природы был человеком вспыльчивым. После продолжительной борьбы с собой, с Божиею помощью, получил дар совершенного незлобия.

Молитва 
ко Господу Богу

     В руце Твоего превеликаго милосердия, о Боже мой, вручаю душу и тело мое, чувства и глаголы моя, советы и помышления моя, дела моя и вся тела и души моея движения. Вход и исход мой, веру и жительство мое, течение и кончину живота моего, день и час издыхания моего, преставление мое, упокоение души и тела моего. Ты же, о Премилосерде Боже, всего мира грехами непреодолеваемая Благосте, Незлобиво Господи, мене, паче всех человеков грешнейшаго, приими в руце защищения Твоего и избави от всякаго зла, очисти многое множество беззаконий моих, подаждь исправление злому и окаянному моему житию и от грядущих грехопадений лютых всегда восхищай мя, да ни в чемже когда прогневаю Твое человеколюбие, им же покрывай немощь мою от бесов, страстей и злых человеков. Врагом видимым и невидимым запрети, руководствуя мя спасенным путем, доведи к Тебе, пристанищу моему и желаний моих краю. Даруй ми кончину христианску, непостыдну, мирну, от воздушных духов злобы соблюди, на Страшном Твоем Суде милостив рабу Твоему буди и причти мя одесную благословенным Твоим овцам, да с ними Тебе, Творца моего, славлю во веки. Аминь. 

     Молитвой мученику Ефрему Сирину может служить также общая молитва мученику.

ПРОТИВ СРЕБРОЛЮБИЯ

     Против сребролюбия молитвенником может быть Феодор, преподобный. 
     Пристрастился было Феодор к найденному серебру, но раскаялся и смог побороть это пристрастие, превозмочь свою страсть. Смерть же свою встретил от сребролюбивого человека. 


 

ПРОТИВ ГОРДОСТИ

     Против гордости молитвенниками могут быть преподобный Сергий, игумен Радонежский (25 сентября/8 октября), всея России чудотворец, а также преподобныйАлексий, человек Божий (17/30 марта). 
     Основанием для молитвы этим святым является тот факт, что они имели необычайное глубокое смирение и духовную чистоту.

В ЛИШЕНИЯХ

     В лишениях, терпящим бедность, обездоленность, нужду молитвенником может стать святитель Иоанн Милостивый, патриарх Александрийский (12/25 ноября).

Молитва 
святителю Иоанну Милостивому

     Святителю Божий Иоанне, милостивый защитниче сирых и сущих в напастех! К тебе прибегаем и тебе молимся, яко скорому покровителю всех ищущих от Бога утешения в бедах и скорбех. Не престай молися ко Господу о всех с верою притекающих к тебе! Ты, преисполнен сый Христовой любви и благости, явился еси яко чудный чертог добродетели милосердия и стяжал себе имя «милостивый». Ты был еси яко река, непрестанно текущая щедрыми милостями и всех жаждущих обильно напояющая. Веруем, яко, по преселении от земли на небо, усугубися в тебе дар благодати сея и яко соделался еси неисчерпаемый сосуд всякия благостыни. Сотвори убо своим ходатайством и заступлением пред Богом «всякия утехи», да вей, прибегающий к тебе, обретают мир и безмятежие: даруй им утешение в печалех временных и пособие в нуждах житейских, всели в них надежду вечнаго успокоения в Царствии Небесном. В житии своем на земли ты был пристанище всем сущим во всякой беде и нужде, обидимым и недугующим; ни един от притекавших к тебе и просивших у тебе милости лишен бысть твоея благостыни. Тожде и ныне, царствуя со Христом на небеси, яви всем покланяющимся пред честною твоею иконою и молящимся о помощи и заступлении. Не точию сам ты творил милость безпомощным, но и сердца других воздвигал к утешению немощных и к призрению убогих. Подвигни убо и ныне сердца верных к заступлению сирых, утешению скорбящих и успокоению неимущих. Да не оскудевают в них дары милости, паче же да веселится в них и в дому сем, призревающем страждущих, мир и радость о Духе Свято, - во славу Господа и Спаса нашего Иисуса Христа, во веки веков. Аминь.

ОТ ЗЛОГО ОЧАРОВАНИЯ, ЛУКАВЫХ ДУХОВ И ЗЛЫХ ЛЮДЕЙ

     О том, чтобы охранить себя и своих близких людей от злого очарования, от волшебников, лукавых духов и от злых людей, обращаются молитвенно к священнамученику Киприану и мученице Иустине (2/15 октября), принявшим ученическую кончину ок. 304 года. Священномученик Киприан сам был до своего крещения известным колдуном.

Молитвословие 
священномученику Киприану 

Кондак

     От художества волшебнаго обратився, Богомудре, к познанию Божественному, показался еси миру врач мудрейший, исцеления даруя чествующим тя, Киприане со Иустиною: с нею же молися Человеколюбцу Владыке спасти души наша.

Икос

     Целений твоих, святе, дарования мне низпослав, и недугующее мое сердце гноем греховным молитвами твоими исцели, яко да слово пения от скверных устен моих ныне принесу ти и воспою болезни твоя, яже показал еси, священномучениче, покаянием добрым, и блаженным, и Богу приближающимся. Того бо удержан рукою, направился еси, яко по лествице, к Небесным, непрестанно моляся спасти души наша.

Молитва

     О, святей угодниче Божий, священномучениче Киприане, скорый помощниче и молитвиниче всем к тебе прибегающим. Приими от нас, недостойных, хваление наше, испроси нам у Господа Бога в немощах укрепление, в болезнях исцеление, в печалях утешение и всем вся полезная в жизни нашей. Вознеси ко Господу благомощную твою молитву, да оградит нас от падений греховных наших, да научит нас истинному покаянию, да избавит нас от пленения диавольского и всякого действия духов нечистых и избавит от обидящих нас. Буди нам крепкий облик на все враги видимые и невидимые. Во искушениях подаждь нам терпение и в час кончины нашея яви нам заступление от истязателей на воздушных мытарствах наших. Да водимые тобою достигнем горнего Иерусалима и сподобимся в Небесном Царствии со всеми святыми славити и воспевати Пресвятое имя Отца и Сына и Святаго Духа во веки веков. Аминь.

Молитва 
священномученику Киприану и мученице Иустине

     О, святие священномучениче Киприане и мученице Иустина! Внемлите смиренному молению нашему. Аще бо временное житие ваше мученически за Христа скончали есте, но духом от нас не отступаете есте, присно по заповедем Господним шествовати нас научающе и крест свой терпеливо нести нам пособствующе. Се, дерзновение ко Христу Богу и Пречистой Его Матери стяжали есте. Темже и ныне будите молитвенницы и ходатаи о нас недостойных (имена). Будите нам заступницы крепции, да заступлением вашим сохраняеми невредимы от бесов, волхвов и от человек злых пребудем, славяще Святую Троицу, Отца и Сына и Святаго Духа, ныне и присно и во веки веков. Аминь. 

     Кроме этих молитв, следует читать следующие Псалмы.

Псалом 90

     Живый в помощи Вышняго, в крове Бога Небеснаго водворится. Речет Господеви: Заступник мой еси и прибежище мое. Бог мой, и уповаю на Него. Яко Той избавит тя от сети ловчи, и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи, во тме преходящия, от сряща и беса полуденнаго. Падет от страны твоея тысяща, и тма одесную тебе, к тебе же не приближится. Обаче очима твоима смотриши и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло, и рана не приближится телеси твоему, яко Ангелом Своим заповесть о тебе сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова, и избавлю и: покрыю и, яко позна имя Мое. Воззовет ко Мне, и услышу его: с ним есмь в скорби, изму его и прославлю его, долготою дней исполню его и явлю ему спасение Мое.

Псалом 67

     Да воскреснет Бог, и расточатся врази Его, и да бежат от лица Его ненавидящий Его. Яко исчезает дым, да исчезнут, яко тает воск от лица огня, тако да погибнут грешницы от лица Божия, а праведницы да возвеселятся, да возрадуются пред Богом, да насладятся в веселии. Воспойте Богу, пойте имени Его, путесотворите возшедшему на запады, Господь имя Ему, и радуйтеся пред Ним. Да смятугся от лица Его, Отца сирых и Судии вдовиц: Бог в месте святем Своем. Бог вселяет единомысленныя в дом, изводя окованныя мужеством, такожде преогорчевающыя живущыя во гробех. Боже, внегда исходити Тебе пред людьми Твоими, внегда мимоходити Тебе в пустыни, земля потрясеся, ибо небеса кануша от лица Бога Синаина, от лица Бога Израилева. Дождь волен отлучиши. Боже, достоянию Твоему и изнеможе, Ты же совершил еси е. Животная Твоя живут на ней, уготовал еси благостию Твоею нищему. Боже. Господь даст глагол благовествующым силою многою. Царь сил возлюбленнаго, красотою дому разделити корысти. Аще поспите посреде предел, криле голубине посребрене, и междорамия ея в блещании злата. Внегда разнствит Небесный цари на ней, оснежатся в Селмоне. Гора Божия, гора тучная, гора усыренная, гора тучная. Векую непщуете горы усыренныя? Гора, юже благоволи Бог жити в ней, ибо Господь вселится до конца. Колесница Божия тмами тем, тысяща гобзующих, Господь в них в Синаи во святем. Возшел еси на высоту, пленил еси плен, приял еси даяния в человецех, ибо не покаряющыяся, еже вселитися. Господь Бог благословен, благословен Господь день дне, поспешит нам Бог спасений наших. Бог наш. Бог еже спасати, и Господня, Господня исходища смертная. Обаче Бог сокрушит главы врагов Своих, верх влас преходящих в прегрешениих своих. Рече Господь: от Васана обращу, обращу во глубинах морских. Яко да омочится нога твоя в крови, язык пес твоих, от враг от него. Видена быша шествия Твоя, Боже, шествия Бога моего Царя, иже во святем, предвариша князи близ поющих, посреде дев тимпанниц. В церквах благословите Бога, Господа от источник Израилевых. Тамо Вениамин юнейший во ужасе, князи Иудовы владыки их, князи Завулони, князи Неффалимли. Заповеждь. Боже, силою Твоею, укрепи Боже, сие, еже соделал еси в нас. От храма Твоего во Иерусалим Тебе принесут царие дары. Запрети зверем тростным, сонм юнец в юницах людских, еже затворити искушенныя сребром, расточи языки хотящыя бранем. Приидут молитвенницы от Египта, Ефиопиа предварит руку свою к Богу. Царства земная, пойте Богу, воспойте Господеви, возшедшему на Небо небесе на востоки, се даст гласу Своему глас силы. Дадите славу Богови, на Израили велелепота Его, и сила Его на облацех. Дивен Бог во святых Своих, Бог Израилев: Той даст силу и державу людем Своим, благословен Бог.

Псалом 102

     Благослови, душе моя. Господа, и вся внутренняя моя имя святое его. Благослови, душе моя, Господа, и не забывай всех воздаяний Его, очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя. Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя. Щедр и Милостив Господь, Долготерпелив и Многомилостив. Не до конца прогневается, 'ниже во век враждует, не по беззаконием нашым сотворил есть нам, ниже по грехом нашым воздал есть нам. Яко по высоте небесней от земли, утвердил есть Господь милость Свою на боящихся Его. Елико отстоят востоцы от запад, удалил есть от нас беззакония наша. Якоже щедрит отец сыны, ущедри Господь боящихся его. Яко той позна создание наше, помяну, яко персть есмы. Человек, яко трава дние его, яко цвет сельный, тако оцветет: яко дух пройде в нем, и не будет, и не познает ктому места своего. Милость же Господня от века и до века на боящихся его, и правда его на сынех сынов, хранящих завет Его, и помнящих заповеди Его творити я. Господь на Небеси уготова Престол Свой, и Царство Его всеми обладает. Благословите Господа вей Ангели Его, сильнии крепостию, творящий слово Его, услышати глас словес Его. Благословите Господа вся силы Его, слуги Его, творящий врлю Его. Благословите Господа вся дела Его, на всяком месте владычества Его, благослови, душе моя. Господа.

Псалом 126

     Аще не Господь созиждет дом, всуе трудишася зиждущии. Аще не Господь сохранит град, всуе бде стрегий. Всуе вам есть утреневати, востанете по селении ядущии хлеб болезни, егда даст возлюбленным Своим сон. Се достояние Господне сынове, мзда плода чревняго. Яко стрелы в руце сильнаго, тако сынове отрясеных. Блажен, иже исполнит желание свое от них. Не постыдятся, егда глаголют врагом своим во вратех. 

     При действии на людей злых сил, злодейского обольщения, при воздействии нечистой силы необходимо знаменовать себя крестом и читать молитву Честному Кресту.

Молитва 
Честному Кресту 
     Да воскреснет Бог, и расточатся врази Его, и да бежат от лица Его ненавидящий Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятого Господа нашего Иисуса Христа, во ад сшедшего и поправшего силу диаволю, и даровавшаго нам тебе, Крест Свой Честный, на прогнание всякаго супостата. О Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь. 

     При нападении нечистой силы следует взывать ко Господу Богу.

Молитва 1-я

     Владыко Господи Боже мой, Егоже в руках жребий мой, заступи мя по милости Твоей, и не остави мя погибнути со беззаконии моими, ниже воли последовати похотствующия плоти на дух. Создание Твое семь, не презри дело руку Твоею, не отвратися, ущедри, но не уничижи; не презри мя. Господи, яко немощен семь, яко к Тебе прибегох, покровителю моему Богу, исцели душу мою, яко согреши Тебе. Спаси мя ради милости Твоея, яко к Тебе привержен семь от юности моея: да посрамятся ищущий отринута от Тебе, деяньми нечистыми, помышленьми нелепыми, воспоминаньми неполезными. Отгони от меня всякую скверну, злобы излишество: яко Ты еси Един Свят, Един Крепкий, Един Безсмертный, во всех имеяй могущество безприкладное, и Тобою дается всем, яже на диавола и его воинства, крепость. Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь.

Молитва 2-я

     Да обратится болезнь твоя на главу твою, и на верх твой хула твоя да снидет, лукавый бесе и нечистный: аз бо Господу Богу моему кланяюся, и Того никогдаже похулю. Како бо ми возможно Сему досадити, или Его похулити, Егоже по вся дни и нощи, и часы славословлю, и покланяюся от всея души моея, и крепости, и мысли моея; но убо славословие мое есть, хула же твоя еси: ты уз.риши, о нихже нань клевещеши, и яко отступник на Бога глаголеши.

Молитва 3-я

     Запрещает ти, вселукавый душе, диаволе, Господь, пришедый в мир Пречистою и Святою Девою, воистинну Богородицею на спасение миру нас для грешных. Проклят еси ты и вся неприязненная твоя помышления, яже в нощи и во дни, заклинаю тя именем Едносущныя и Неразделимыя Троицы, Отца и Сына и Святаго Духа, отступи от мене, раба Божия (имя), не влагай в сердце мое помыслов неприязненных, но отыди в места пуста и безводна, идеже не присещает Господь. Заклинаю тя, нечистый и богохульный душе, именем Господа нашего Иисуса Христа, не блазнити, не смущати мя хульными помыслы, внегда сотворити ми молитвы моя ко Господу Богу моему, но да будут вся твоя хульная помышления на твою главу в День Судный: аз бо Господу Богу моему служу, и Тому Единому возсылаю молитву во дни и нощи, тебе упражняющу, мене же милующу, и укрепляющу, и оставляющу ми за многую Его благость и милость вся прегрешения. Иди за мною (от меня), сатано, и проклят буди ты Им, и вся неприязненная твоя и противная сила, яко да благословится и прославится пречестное имя Отца и Сына и Святаго Духа, ныне и присно и во веки веков. Аминь. 

     В таких обстоятельствах надо призывать на помощь Пресвятую Владычицу нашу Богородицу и Приснодеву Марию.

Молитва 
ко Пресвятой Богородице

     Пресвятая Владычице моя Богородице, святыми Твоими и всесильными мольбами отжени от мене, смиренного и окаяннаго раба Твоего, уныние, забвение, неразумие, нерадение и вся скверная, лукавая и хульная помышления от окаяннаго моего сердца и от помраченнаго ума моего, и погаси пламень страстей моих, яко нищ есмь и окаянен; и избави мя от многих и лютых воспоминаний и предприятий, и от всех действ злых свободи мя, яко благословенна еси от всех родов, и славится пречестное имя Твое во веки. Аминь. 

     Молитвенно взывают также в таких случаях к Небесным Силам Бесплотным, в том числе и к своему Ангелу Хранителю и всем святым.

ПРИ ОСВЯЩЕНИИ ВСЯКОЙ ВЕЩИ

     При освящении всякой вещи с молитвой обращаются ко Господу Богу.

Молитва 
ко Господу Богу на освящение всякой вещи

     Создателю и Содетелю человеческаго рода, Дателю благодати духовный. Подателю вечнаго спасения, Сам, Господи, поели Духа Твоего Святаго с вышним благословением на вещь сию, яко да вооружена силою небеснаго заступления хотящим ю употребляти, помощна будет к телесному спасению и заступлению и помощи, о Христе Иисусе Господе нашем. Аминь. 

     (И кропят вещь святою водою трижды.)

ПРИ НЕОБХОДИМОСТИ

     При необходимости, а иногда и очень часто, можно призывать на помощь своего любимого святого со следующей молитвой:

Молитва 
любимому святому

     Угодниче Божий (имярек). Поминай нас в благоприятных твоих молитвах перед Христом Богом, да сохранит Он нас от искушений, болезней и скорбей, да дарует нам смирение, любовь, рассуждение и кротость, и да сподобит Он нас, недостойных, Царствия Своего. Аминь.

КОГДА НЕ ЗНАЕШЬ, КАК ПОСТУПИТЬ

     Иногда человек находится в недоумении, не знает, как поступить, озадачен, не может решить, как действовать, сомневается в правильности своего выбора. 
     В таких обстоятельствах следует обратиться ко Господу Богу.

Молитва 
ко Господу Богу

     Господи, я человек грешный и не разумею, как должно, но Ты, Милостивый, вразуми меня, как нужно поступить.

Другая молитва

     Господи, я ничего не знаю сам, я ничего не могу. решить верно, я хочу узнать решение вопроса от Тебя, Единого Всеблагого. Открой мне его, имиже веси путями.

(Молятся трижды, с земными поклонами.) 

Все святые, молите Бога о нас.