Акафист Пресвятой Богородице (во обстоянии)
Кондак 1
Избраной от всех родов и высшей всякого создания Владычице мира,достойное поклонение принесём в покаянии молящеся и зовуще- Владычице,помози ми
Икос 1
Ангел и человек превысшая Богородице не возгнушайся мене не достойного но яко Благосердая призри на мя и услыши мя вопиюща Ти-Владычице приими молитву мою,Владычице даждь ми слёзы умиления,Владычице даждь ми плачь о грехах моих,Владычице даждь ми покаяние и сердце сокрушенное,Владычице помози ми
Кондак 2
Видевше Тя Апостолы со множеством Ангел во успении явльшуюся им возопиша-Пресвятая Богородице спаси нас поющих Сыну Твоему и Богу-Аллилуя.
Икос 2
Разум недоразумевает-како скверными усты просити Твоея помощи но Ты Милосердая ведая человеческого существа немощи Сама просвети мя и научи молюся-Владычице услыши мя недостойного,Владычице не остави мене погибающаго,Владычице очисти мя сквернаго,Владычице не отрини мене,Владычице не забуди мене,Владычице заступи и спаси мя,Владычице помози ми
Кондак 3
Силою Вышняго осени мя Пречистая можеши бо у Сына Твоего испросити вся елика хощеши всем притекающим к Тебе и вопиющим Богу-Аллилуя.
Икос 3
Имея милосердия богатство неоскудное не забуди мене Владычице тепле просяща-Владычице помози во обстоянии,Владычице ризою Твоею защити мя,Владычице буди мне грешному ходатаица,Владычице не погуби мене по милости Твоей,Владычице помилуй мя падшаго,Владычице услыши мя во грехах рождённаго,Владычице возвесели отягченное сердце мое,Владычице муки всякия избави мя,Владычице помози ми
Кондак 4
Бурею многих зол содержима гонителя Савла соделала еси молитвами Твоими возлюблена Богу его же славят небесная воинства песнию-Аллилуя.
Икос 4
Услыши Владычице молитву мою и предстани ми в помощь скоро и якоже онаго омраченнаго Савла возведи мя от мрака греховнаго на Тя уповаю и Тебе молюся-Владычице освяти мя темнаго,Владычице возведи мя заблудшаго,Владычице настави мя на путь спасения,Владычице очисти мой ум от помыслов суетных,Владычице исполни сердце мое любовию к Христу моему,Владычице примири мя со Христом,Владычице имиже веси судьбами спаси мя,Владычице помози ми.
Кондак 5
Богоизбранная Отроковице прослави чтущих Тя и Сына Твоего Христа Бога нашего в вышних славимаго-Аллилуя.
Икос 5
Видиши Владычице скорби моя зриши печали моя и сих ради зову-помози ми,Владычице отыми беззакония моя,Владычице отверзи сердце мое окаянное,Владычице утверди мя в добродетели,Владычице уврачуй греховныя раны моя,Владычице взыщи мене,Владычице ущедри мя,Владычице отверзи ми райския двери,Владычице спасчи мя,Владычице помози ми.
Кондак 6
Проповедник Богословия сладкопевец Роман Тобою умудрён нача благохвалити Тя и Богу разумно пети-Аллилуя.
Икос 6
Возсияла еси Владычице яко заря от истиннаго солнца правды премудростию всех просвещающи прости молюся и мене омраченаго-Владычице отверзи умныя очи да вижду дела Божия,Владычице прости моя мысли сердечныя,Владычице отверзи уста моя да благословлю Господа,Владычице просвети моя чувства,Владычице огради сердце мое от похотей лукавых мыслей желаний и глагол неподобных,Владычице дух правый обнови во утробе моей,Владычице помози ми.
Кондак 7
Восхоте Господь сотворити Тя людем ходатаицу да Твоим державным покровом весь мир сохраняем прославит Его в Троице славимаго песнию-Аллилуя.
Икос 7
Дивно спасла еси молитвами Твоими Петра из темницы,дивно к Богу дерзновение Твое тем же Владычице буди ныне и мне Заступница усердная молюся-Владычице изми мя из руки сопротивнаго,Владычице спаси мя от напрасныя смерти,Владычице избави мя от зависти и всяких наветов и клеветы человеческия,Владычице покрый мя кровом крилу Твоею,Владычице избави мя от всякия напасти,Владычице помози ми.
Кондак 8
Странно Тя от небес пришедшую и во Влахернской церкви со святыми молящуюся людие же видевше с веселием вопияху Богу-Аллилуя.
Икос 8
Всеми Вышними и нижними властвующая Богородице спаси и помилуй мя на Тя надеюсь и Тебе призываю-Владычице препитай мя алчущаго,Владычице напой мя жаждущаго,Владычице избави мя от смертоносныя язвы и всякия болезни,Владычице спаси мя от грома и потопления и огня и всякия беды начаянныя,Владычице помози ми.
Кондак 9
Всем сердцем и душею вопию Ти-избави мя Госпоже от злых якохе Твой град Твои люди бурею и ввержении молниею спасла еси от лютаго Хагана да в роды родов победительная воспою Тебе и Богу моему-Аллилуя.
Икос 9
Витийством аще силы Твоя не могут по достоянию воспети уста моя обаче дух и сердце стремятся к Тебе молящеся-Ввладычице избави мя от всех зол,Владычице сокруши враги под ноги наша,Владычице даруй рабом Твоим мир и благоденствие,Владычице укроти сердце мое от гнева злобы и зависти,Владычице помози ми.
Кондак 10
Спаси от бед раба Твоего Богородице и призри Всепетая на мя благосердием молюся Ти и Сыну Твоему вопиюще-Аллилуя.
Кондак 10
Царице небаи Владычце всех не забуди мене во вся дни живота моего и во всяком месте и обстоянии буди ми покров и защищение се Госпоже весь живот мой предаю Ти яко отроча на матерь свою уповающе молюся-Владычице буди ми в печали утешение и в скорби радование,Владычице огради мя от всех напастей,Владычице не остави мене до конца,Владычице вся полезная ми даруй,Владычице помози ми.
Кондак 11
Пение всеумиленное приношу Ти недостойный и вопию Ти- подеждь исцеление страстьми люте бесящейся плоти моей и яростию палимому духу да не поработаю сатане но благоугожду Богу моему поюще-Аллилуя.
Икос 11
Света тихаго Мати осияй мя светом спасения да вижду стыдная дела моя и прежде смерти принесу покаяние зовуще Ти во умилении сердца и духа яко споручнице грешников молюся-Владычице не предаждь мя злобе сатанинския,Владычице отжени от мене уныние и мечтание злых духов,Владычице обрящи душу мою,Владычице даждь ми память смертную,Владычице огня неугасимаго и вечных мук свободи мя,Владычице помози ми.
Кондак 12
Благодать Божественную испроси ми Владычице у Сына Твоего и Бога да не погибну люте но да улучив век оный в стране живых присно зову-Аллилуя.
Икос 12
Воспевающе Твое твердое предстательство поклоняюся Тебе Владычице и со умилением молюся-Владычице испроси вся благая временная и вечная,Владычице не погуби мя,Владычице не празри мене ,Владычице помилуй мя,Владычице возведи мя от земли к небесным,Владычице сопутствуй ми во исходе души моея,Владычице предстани за мя милоствно на страшнем Судище Христове,Владычице избави мя вечныя муки,Владычице помози ми.
Кондак 13
О Всепетая Мати! Усердная заступнице,нынешниеприемши приношение от всякия избави напасти всех и будущия изми муки о Тебе вопиющих-Аллилуя. (читается три раза затем Икос 1 и Кондак 1)
записан в семье протодиакона о.Георгия(Наумова) г.Воронеж
